Asslm ww, Dunsanak2 , Standar Perilaku urang Minang "UKUA JANGKO NAN SALAPAN" paralu dimasyarakatkan baliak tarutamo kapado Generasi Mudo awak nan banyak menghadapi "Budaya Lua" kiniko. Sifat salapan tu sacaro sederhana kurang labiah adolah :
1. NAK LURUIH TAGANGNYO TALI, maknanyo dalam kehidupang awak harus taat atutran Syara' jo Adat, karano itu aturan nan "luruih" sasuai jo Falsafah ABS-SBK.
2. NAK TINGGI NAIAKKAB BUDI, awak harus berbudi pekerti nan baiak , itu nan ka maninggikan awak.
3.NAK ELOK BASO JO BASI, awak harus sopan dan santun dalam bergaul.
4..NAK MULIE TAPATI JANJI, manapati janji akan mamuliakan awak. janji adolah hutang,
5.NAK KOKOH PAHAM DIKUNCI, awak harus punyo prinsip dalam hidup , ndak buliah bimbang dan ragu.
6.. NAK ELEMU RAJIN MANGAJI, maknanyo harus rajin manuntuik ilmu. karena ilmu nan kan manaiakkan darajad awak hablumminallah wa hablumminannas.
7.NAK KAYO KUEK MANCARI, semangat mandiri dan ndak pernah menyerah yang akan mencukupi kebutuhan hidup awak. Indak buliah tagantuang jo urang lain.
8.NAK UNTUANG NAMUAH MARUGI, artinyo awak harus pulo namuah marugi untuak mandapekkan sasuatu, harus ado usaho nan wak jalankan. mananam dulu baru manuai.
Lai kah bisa awak mamiliki nan salapan tu ? InsyaAllah kalau bausaho dan ado kamauan indak ado nan ndak bisa do. Mari awak kana manganakan pituah2 urang tuo awak. baliau2 tu lah payah dek manyusunnyo, awak tingga mamakai.
Mudah2an ado gunonyo, aaaamiiin. wassalam.
